Baiona Consciente

Non cabe dúbida de que a todos os baioneses nos ten moi intrigados a próxima presentación do Plan Xeral de Ordenación Urbana. Moitos podemos estar afectados en maior ou menor medida por decisións que se vexan reflexados nos planos e ordenanzas que se preseten, non só pola incidencia que poidan ter en fincas particulares, senón polo modelo de Concello que xurda del.

Tampouco se nos escapa que moitos tiburóns inmobiliarios están ao acecho de tan suculento bocado coma é o literal baionés.

O que non podemos permitir é que Baiona se convirta na Marbella galega e que por meros intereses económicos duns poucos, se permitan atrocidades urbanísticas que noutras ocasións non poidemos evitar.

Así, ao igual que o solicitou Nigrán, Baiona debe entrar na Axencia de Protección da Legalidade Urbanística, como garante da necesaria transparencia nas actuacións urbanísticas que se desenvolvan en solo baionés. Non sumarse a esta iniciativa suporía unha sombra de dúbida no común da xente sobre a actitude do grupo de goberno fronte á problemátiva de vivenda e protección paisaxística que precisamos en Baiona.

Máis información, na web da Consellería de Política Territorial.

chúzame