Vendidos ao ouro xudeu
O título non está exento de certa ironía, por suposto, buscando a complicidade do lector para que siga lendo a anotación. Entendemos que calqueira ouro, veña de onde veña, non ter porque rexeitarse, sempre que sexa froito dunha xusta transacción.
O tema ven ao caso pola nova publicada na Voz de Galicia anunciando que empresarios israelís acudirán a un congreso no Parador de Baiona. Aproveitouse a visita para que o representante israelí asinara no libro de ouro do noso concello, xa é casualidade o nome.
¿Queremos xerar debate sobre a cuestión? Poderiamos abordalo por múltiples lados, quizáis o máis sinxelo sería concluir que sendo empresarios, da igual de onde veñan e o que fagan, se é bo para o pobo... iso é o que dín os vellos do lugar. Teriamos que pechar os ollos ante as tropelías que cometen co pobo palestino. Entonces habería que decir que non todo o pobo xudeu está a favor dos actos do seu goberno, é máis, hai unha forte oposición que esixe un trato igualitario no conflicto palestino.
É verdade, sería unha sinxela solución a un posible dilema moral, pero moitos no podemos deixar de pensar que debido a unha arbitraria decisión, supostamente determinada por un ser todopoderoso, un conflicto se eterniza a costa das vidas dun pobo que non ten armas coas que defenderse.
Non sexamos demagogos, sabemos perfectamente que si unha delegación do pobo palestino vén a Baiona, o Alcalde tamén a recibiría e lle daría a asinar no libro de ouro do concello. ¿Ou non?
chúzame - 
