Baiona Consciente

Un breve percorrido pola rede nos desanima inmediatamente.

Os partidos políticos non parecen apostar en demasía por internet, velaquí unha breve análise do que nos atopamos:

Partido Popular (PP)

Nen siquer teñen páxina local, o máis cercano que atopamos é a páxina do PP provincial. Se quixeramos enviar un correo electrónico a Jesús Vázquez Almuiña non poderiamos. Se na pasada campaña nos entrase a curiosidade por ve-los seus proxectos, non poderiamos atopar nada.

Partido dos Socialistas (PSOE)

Ainda hai que buscar un pouco. Con Google non aparece nengunha referencia, se buscamos na páxina do PSOE a nivel estatal e se clicamos en candidatos, atopamos unha páxina nomeada carlospena (non seremos sarcásticos, desta vez). A última nova é de Febreiro. De programa, nin rastro.

Bloque Nacionalista Galego (BNG)

O BNG parece que se puxo as pilas en campaña, ten todo o seu programa electoral, o das parroquias e o xeral. Incluso ten inserido vídeos en youtube. Iso sí, non hai novas de antes da campaña e a última subida é o resultado electoral. ¿Deixarán a páxina no esquecemento ou se habituarán a ela como elemento de divulgación? Só o tempo o dirá.

Coalición Miñorana (CMÑ)

O partido empregado por Manolo Vilar para presentarse á alcaldía dispón de páxina propia. Nembargantes, o seu correo electrónico rexeita as mensaxes enviadas, polo que non podemos contactar có candidato. Iso sí, o seu programa electoral está perfectamente detallado e estructurado, cun deseño que o fai bastante sinxelo de consultar. Non contempla unha sección de novas, o que nos fai temer o mesmo que coa do BNG, que simplesmente é un material máis de campaña. A mesma conclusión, xa que logo, o tempo dirá.

De bloges dos candidatos xa non falamos, porque non hai nin rastro.

chúzame