Baiona Consciente

Onte, como xa avisabamos nunha anotación anterior, celebrouse o Pleno Ordinario do Concello.

Se debatiron sete puntos da orde do día, pero o máis salientable foi que o BNG, como medida de presión, abandonou a sala de plenos, xa que, sorprendentemente, o Alcalde non incluiu a moción que presentaran para debatir a recuperación das prazas de garaxe "roubadas" no entorno dos Tendais.

É curioso como un acto tan irregular, pero amparado polas leis, como non incluir unha moción da oposición, e a correspondente resposta por parte dos agraviados non reciba a correspondente publicidade nos medios de prensa escrita.

Todo se viu solapado por dous puntos moir importantes:

1º.- Debate dos Orzamentos do 2006

Somentes os técnicos poderían desentrañar todo o contido deste pesado documento que expón un orzamento de 7,2 millóns de euros e no que se reflexan pagos de facturas emitidas no 2004. O Alcalde dixo que o total do orzamento é sensiblemente inferior ao anterior xa que non se contemplan as aportacións a inversións doutras administracións, como a Xunta e a Deputación Provincial.

2º.- Recuperación da xestión da aparcamento soterrado da Palma.

Se aínda lle quedara un mínimo atisbo de vergonza, Manolo Vilar se calaría e deixaría pasar este punto sen máis pena que gloria, pero non. Non lle chegou con enfrentar a todo o Concello, dividir a moitas familias e crear un cisma que mesmo ata agora afecta ás relacións entre partidos e impide un normla desenrolo da vida pública en Baiona.

Moitos avisaran do pelotazo que se estaba a producir cando se produxo o conflicto da Palma, xa van por vinte anos daquelo, todos sabían a empresa concesionaria non era máis que unha tapadeira que non tardaría moito en desaparecer. OS feitos se foron sucederon, se cometeu un atropello sen precedentes e os Tribunais deron a razón aos defensores da Palma. A sentencia establecía a posibilidade de derrube da obra.

As consecuencias políticas nunca se produxeron e o home que se emperrou en sacar todo adiante, a pesar dos pesares e facendo valer o seu apodo, seguiu na política como se non pasara nada.

Non contento con iso, no 2007 nos espeta na cara que, como querían os baioneses, a "Palma é nosa". Iso sí a un prezo módico que rondará un par de millóns de euros.

Deberiamos ocupar a casa de Manolo Vilar, tirala abaixo, facer unha nova, non pagar as facturas e, namentres, alugala. Logo de 20 anos lle devolvemos a propiedade aos seus fillos, iso sí, a cambio de 600.000 euros. ¿Sería xusta a actuación? Pois iso fixo coa Palma o peor Alcalde que tivo en democracia o noso Concello. Afortunadamente moita xente do PP o sabe e non quere nin saber nada de tratar con el. Só a súa astucia e a torpeza do dúo PSOE-PP fixeron posible que seguira metendo a man onde nengún político do seu calado debería ter acceso.

A chulería deste personaxe non ten parangón, pero, lamentablemente, teremos que aturalo como mínimo catro anos máis e logo, teremos entre todos que lograr que siga o camiño de Chicho.

En conclusión, o Concello de Baiona terá que abonar as débedas contraidas por outros para recuperar a concesión, logo poderá sacar a concurso novamente a concesión, ou xestionar publicamente a súa administración. Calqueira das opcións son complexas, xa que é un servizo a todas luces deficitario.

chúzame