Hoxe non nos apetece achegarnos moito ao que sucede en Baiona. A resaca do Primeiro de Marzo enturbia os nosos pensamentos, por moito que esta fin de semana resultase húmida de máis para tan magno evento lúdico-festivo. Ainda así a cousa non estivo nada mal.
O que queremos comentar é esa esperpéntica proposta da patronal pola que ofrecería un tipo de contrato que permitiría reducir o paro en grandes proporcións: o contrato de formación a custe cero. Seguir lendo
Parafraseando ao grupo favorito do Presidente do Goberno de España, Supertramp, (o grupo, non o Presidente) os que visitaron Baiona esta fin de semana de seguro que terán vivido unha xornada moi lonxana das contínuas preocupacións entorno á cansina crise. Concentración de moteiros, capital mundial do patchwork e múltiples obras na maioría de rúas. Non falemos xa dos prezos que lles deron cando chamaron a algún dos múltiples números de teléfono que aparecen pegados nas ventás dos pisos. Seguir lendo
¿Cómo pode ser que a día de hoxe teñamos que estar a falar dunha serie de roubos no noso concello? Quizáis sexa porque leron na prensa que andaba de folga a Policía Local e non ían ter moitos atrancos para apropiarse do alleo. Acertaron de pleno. O máis curioso sería ver a cara de moitos baioneses que se enteraron de que os nosos policías están de brazos caidos porque "só" cobran algo máis de 1.000 € mensuais. Seguir lendo
Resulta curioso como nunha vila tan pequena podemos vivir situacións tan distantes e dispares. Por un lado temos a uns funcionarios públicos sen risco de perder os seus postos de traballo supostamente tirando e aflouxando co Concello por unha negociación sindical. Por outro lado, como ben nos dixo maria nun comentario anterior, temos a familias con fillos que non fan máis que comezar a non ver un futuro certo.
Comecemos pola traxedia. Esas 26 familias das que nos falou maria están nunha situación moi complicada, probablemente embarcados en préstamos hipotecarios, incitados pola euforia pasada, polos cantos de sera das entidades de crédito e pola promesa dun futuro prometedor. Seguir lendo
Si as caidas eventuais do servidor nos boicotean a nosa reflexión diaria, o sol destes días nos animan a continuar si cabe con máis ímpetu do agardado. Son moitos os que agora están desilusionados e desde BC non podemos máis que invitarlles a que se unan ao clube dos que queremos que a política sexa un lugar de encontro e non de enfrontamento. Dúas persoas non pelexan se ún non quere e o desprezo debería pagarse co sonriso, pode que así a seguinte ve ese desprezo desapareza. Seguir lendo
Pois resulta que agora o sector da construcción está en crise por culpa das changadas. Hainos con moito rostro, pero que vaia con este argumento como bandeira vai por mal camiño. A realidade é que a maioría de empresarios se lanzaron rápidamente ao suculento bocado da construcción desmesurada e contrataron persoal sen formación a salarios máis ben escasos, Seguir lendo
Levamos días dándolle voltas a temas relacionados co urbanismo, como si ainda estivesemos inmersos naquel antiguo soño chamado o boom inmobiliario e que resultou ser nada máis e nada menos que o que a maioría pensaba pero que non se atrevía a decir por medo ao ridículo: unha burbulla que acabaría por estoupar. Pero resulta que o problema que máis preocupa á cidadanía non é outro que o paro, ese problema que en épocas de goberno da dereita se esvaeceu coma o sucre no café pero que volta co goberno socialista. Seguir lendo
