Que ben, hoxe votamos con Isabel

psoe

Como se soe decir, a causa xa vai a fume de carozo. O PSOE baionés adiántase a todos presentando as caras que formarán parte da súa candidatura. Non existen grandes sorpresas, toda vez que sabiamos que o grupo municipal socialista ía desaparecer na súa totalidade. No seu momento Arturo Pereira obrou hábilmente ao pór na picota a figura de Isabel Domínguez, a baionesa que máis lonxe chegou na vida política. Sendo a abandeirada do Florentino Baionés eliminaba toda posibilidade de que éste se volvese a presentar, co dano para a credibilidade do socialismo baionés que iso suporía.A verdade é que esa credibilidade van a ter que gañala ao longo dos vindeiros anos, porque a imaxe dun SOE derrotado por non tocar poder e no que os concelleiros caían coma moscas porque os do primeiro tramo da lista electoral ían na súa maioría coa promesa dun traballo de goberno foi tal lamentable coma reprobable.A pregunta que lle faríamos á cabeza de cartel socialista é si o PSOE galego acadase o improbable obxectivo de recuperar a Xunta, deixaría o seu posto de lider da oposición dando paso a Arturo Pereira ou se matería no posto para o que sería elexida en Maio? Por suposto si entendemos que un PSOE na Xunta quixese contar novamente con ella. Non falamos da posibilidade da Alcaldía porque todos sabemos que salvo debacle insólita, nin se prantexa. A porra é cántos concelleiros perderá o PSOE baionés. Fanse apostas, quen é o primeiro?

80 Comentarios

  1. AIXIÑA dijo

    25 de Febreiro del 2011 a las 17:23

    E por que non se comprometen todos para que Baiona sea gobernada por o partido mais votado ?

    Por que non se respeta o que decidan o ciudadanos ?

  2. Alalá dijo

    25 de Febreiro del 2011 a las 17:42

    Despois de uns días sin parar por aquí, e despois de unha lectura de pasada sobre os comentarios dos últimos días, quixera compartir alguns pensamentos “en voz alta” que me afloran.

    – Non entendo tanta necesidade, por parte dos dirixentes do PSOE, de xustificar a súa aplastante victoria ou unanimidade nas asambleas do seu partido, cando en pricipio, ninguén o cuestiona. Todo o mundo sabe que en estas cousas as maiorías gañan e punto.

    – Tampouco entendo a insistencia dos membros da candidatura en falar de renovación, xuventude, ilusión, gañas de traballar …
    O que se dí renovación, non sei, pero a candidatura a encabezan persoas sobradamente coñecidas na política local, tanto Isabel como Arturo, estiveron como concelleiros, Isabel como Portavoz do Goberno e Concelleira de Urbanismo cando Carlos de la Peña era Alcalde, deixando a concellalía unha vez que perdeu o goberno, trala moción de censura de Almuiña, para ocupar o posto de Delegada da Xunta, e Arturo foi concelleiro durante unha lexislatura cando o candidato fora Emilio Iglesias, si a memoria non me falla.
    Nas novas incorporacións hai xuventude, ilusión, e gañas de traballar, insisten no que se pode leer nos comentarios. Que menos, eso suponse, senon sería que se equivocaran o entrar en esto, estaría boa que non fora así. Pero a miña curiosidade fai que me interesen outro tipo de informacións como por exemplo, cal é o seu coñecemento da realidade baionesa, a súa implicación no entramado social, cultural, deportiva, etc. e sobre todo cal é a súa visión do futuro de Baiona, e este blogue pode axudar a eso. Eso sí indo mais alá de decir que todo a anterior e malo, malísimo.

    – Outra duda que teño e que si non estarán un pouco preocupados de mais con algúns compañeiros, os que aluden en ocasións, e si non sería mellor que, xa que non entran no seu plantexamento futuro, se olvidaran deles e miraran cara adiante, que o verdaderamente preocupante é o reto que teñen por diante de aquí as eleccións de maio.

    Persoalmente, o verdadeiramente preocupante, son as prediccións que se fan nestes comentarios, xa que non dan mais de 3-4 concelleiros ó PSOE e 2 ó BNG. Esto significaría un grave retroceso dos partidos de esquerda en Baiona, do que non se darían recuperado en moitos anos, e que faría que os protagonistas destas eleccións quedarían inhabilitados para o futuro irremediablemente, polo que tería que haber unha profunda revolución nos partidos derrotados.

    A miña opinión é que o PSOE non pode perder nin un só dos 6 concelleiros que ten, mais ben todo o contrario, xa que de ser así, o resultado do PP pode ser histórico, xa que creo que o resto dos partidos (UPyD, CMÑ, etc.) non terán representación, e aínda que a teñan, posiblemente sumen á dereita.

    E para rematar, quero decir, que esta non é mais que unha opinión, a miña, e opinións hai moitas, tantas como persoas e todas son válidas, aínda que non se compartan. A miña intención é compartir algunhas reflexión, para o cal existen blogues coma estes.

    Un saudo e sorte a todos

  3. pedradoacordo dijo

    25 de Febreiro del 2011 a las 19:26

    Mais que das quinielas a min gustanme as porcentaxes de voto. Así, e dado que a cousa vai arredor do PSOE, é salientable lembrar que en 2003 e 2007 os resultados estiveron no entorno e por riba do 30% dos votos emitidos. Pachi Vázquez falaba de que o PSdeG-PSOE tiña que aspirar no curto prazo a obter o 40% dos votos para consolidarse como opción de goberno en Galicia. Si as quinielas confirmaran tres ou catro concelleiros, estamos a falar como moito dun 25%. Ou é que Pachi ten que agardar máis tempo do desexable ou é que o PSOE de Baiona está a outras cousas. Ou todo á vez.

  4. baionaconsciente dijo

    26 de Febreiro del 2011 a las 10:42

    Aixiña, repetir ata a saciedade unha consigna fai que cheguemos a interiorizala, pero non por iso é acertada.Pedir que goberne a lista máis votada non é deixar que decida a xente, máis ben todo o contrario. Si fose así, estaríase condicionando o voto. Os votantes de esquerda concentrarían o seu voto no PSOE e os de dereitas no PP. O bipartidismo é o mesmo que a dictadura pero con alternancia (enténdase extrictamente no sentido de capacidade de elección). Cómo lles molestan aos presuntos demócratas as incómodas minorías que nos lles deixan facer o que lles peta.Si queremos evitar partidos chave que son decisorios con catrocentos votos (que hai que conseguilos) haberá que modificar o sistema electoral, incluindo as segundas voltas.Por certo, que si queremos falar de democracia plena, fora a Lei D’hont e adentro as eleccións para designar Xefe de Estado.

  5. La maja desnuda. dijo

    26 de Febreiro del 2011 a las 16:51

    Bueno aquí fálanse de moitas cousas…
    Eu só quero dicir que as maneiras coas que o están levando os membros de “novo” PSOE reflicten moi ben a maneira da que son, cabreándose e saltando rápidamente ante os comentarios do pobo, que aquí todos temos voz e VOTO!
    Ao que respecta a lista, deixa moito que desexar a verdade, deixando fóra á xente do partido de toda a vida coa que conseguimos o mellor resultado e os que gobernaron no pobo. En cambio levamos a xente que nunca estiveron na política, pouco saberán do que ocorre no pobo (quizás o que le conte Isabel, que moito fala dos do PP pero ela foi a primeira que marchou cando lle ofreceron “algo mellor”) e ademáis non coñecidos pola xente, non sei como pretenden gañar os votos, se facendo favores (moi da dereita) ou falando coa xente e explicando o que se pretende cambiar e levar a mellor.
    En Faro de Vigo di que a candidatura foi elaborada pola “capacidade laboral e intelectual”, perdoa por non estar á vosa altura o resto do pobo (e para estar na política non fai falla ter uns grandes estudos, senón saber o que se quere e saber facelo, porque hay xente con estudos no pobo e seguramente ti nin pensarías levalos na túa lista) pero realmente hay xente que dariame vergoña que estivera no Concello. Despois falamos de certas persoas do PP pero cada vez parecémonos máis mira ti… colocades a xente máis débil e a dedo que poidades manexar ó voso gusto fácilmente mmm… cheira a dereita non??
    Que a lista fora elexida por maioría non o nego, con 4 pelagatos na Asamblea ademáis dos interesados claro, porque á xente do partido de toda a vida non se nos avisa de esas cousas… deixades moito que desexar.
    Parece que queremos retroceder no tempo e todo o que se conseguiu na esquerda en Baiona o imos botar a perder para voltar comezar a saber cando…

    E xa indo á aposta das eleccións:
    PP – 9
    PSOE – 3 (e se chegamos).
    BNG – 2
    CMÑ – 2
    UPD – 1

    Entre o palo do goberno en Galicia, a marabilla que fai o goberno de España e como está a facer as cousas o goberno local miraremos como acontecen as próximas eleccións.

    E deberías recordar quen te colocou onde estás, non sei porque estabas con él se tan mal te parecía o que facía (ó mellor se te dixera Almuíña de ir con él ías tamén) xa que agora te estás emperrando en cambialo todo tan radicalmente.

    Un saúdo a todos! ;D

  6. AIXIÑA dijo

    26 de Febreiro del 2011 a las 20:25

    baionaconaciente,
    En Baiona,
    para as municipales,
    votase as personas non os partidos.

  7. GISELA dijo

    26 de Febreiro del 2011 a las 23:01

    PARA LA MAJA DESNUDA.SOY UNA DE LAS CHICAS DE LA LISTA NUEVA DEL PSOE .SOY DEPENDIENTA ESTUDIOS EGB. MI PADRE ES MARINERO MI MADRE UNA MUJER MUY LUCHADORA YA QUE CON 15 AÑOS TUVO QUE LLEVAR A LANTE A SUS 3 HERMANOS DE 3,6,7 AÑOS .SON DEL PSOE DE TODA LA VIDA .Y SI SE LOQUE REALMENTE NECESITA BAIONA Y PARA SABERLO NO ME HACE FALTA LLEVAR TANTOS AÑOS EN LA POLITICA PORQUE QUERER ES PODER .

  8. Joseph dijo

    27 de Febreiro del 2011 a las 20:47

    Que pensa o PSOE de Baiona da reforma das pensións e a xubilación??
    TEño moi claro que a política non podemos dividila en esferas. As cousas que está facendo o PSOE a nivel do estado teñen que ter repercusión nas municipais. Todo está interrelacionado. Eu non podo lexitimar co meu voto a un partido que nos retrasa a idade de xubilación aos 67 anos. Señores, señoras: iso é ser de esquerdas?? Iso é ser socialdemócrata?? NON!!
    Pódennos falar de listas renovadas, de novas ideas e de novos proxectos; pero, por favor, non digades que sodes de esquerdas.
    Falades de democracia interna, preguntóusevos nas asembleas do partido que opinabades sobre estas reformas?? Dade grazas a que vos deixaron facer a lista. Ou sempre podedes facer como Caballero e pasarse por alto os órganos do partido.

  9. Barrabi dijo

    28 de Febreiro del 2011 a las 16:35

    Alalá; unha lista nova non se fai poñendo a xente nova e soltándoa á política, así, por esas levamos a unha concelleira do anterior alcalde socialista, como candidata, do que tuvera os meiores resultados do PSOE de Baiona, e logo a un concelleiro do anterior alcalde socialista, Emilio Iglesias e xunto a eles, renovación, xente do partido e xente nova, e si, con ilusión e ganas, fora de calquera implicación de anteriores etapas, neso consiste a renovación.

    Joseph, a túa máxima de que non podemos dividir en esferas a politica paréceme moi absolutista, claro que podemos ¿Qué opina o PP de Baiona da emigración dos xóvenes baioneses a outras rexións para buscarse o futuro? ¿Qué opinión ten o PP de Baiona da utilización de biomasa forestal? ¿Qué opinión ten o PP de Baiona de “compras” de traxes de sastres? ¿Qué opinión teñen? Pois cada un no seu ámeto, quero supoñer, onde teñen que gobernar uns ou outros é en Baiona, e de Baiona deberíamos falar. Pero vou ser máis puñetero, xa postos ¿Qué opinión ten o PP de Baiona ou o español da reforma das pensións? ¿e da reforma laboral? Primeiro non teñen opinión, e logo, se a teñen, a ver se esta non vai en signo distinto ao do resto de Europa, que como non podemos dividir as esferas…

    Saudos

  10. Barrabi dijo

    28 de Febreiro del 2011 a las 16:48

    La maja desnuda, non podía pasar por alto o teu comentario, dicirte, en primeiro lugar que prefiroa maja vestida, hai cousas que mellor non imaxinar sen roupa, pero fora do chascarrillo humorístico, entremos en materia.

    Polo que dis, supoño que eres socialista, cando dis que “conseguimos”, “levamos”, logo, se es socialista, agora tamén podes dicir “levamos unha lista xoven á que temos que apoiar, e aconsellar, cando vexo contestacións que non me gustan”, son cousas que entre socialistas debemos facer, polo ben do PSOe de Baiona, e polo ben de Baiona.

    Pecas de incongruente cando te refires por unha parte a xente sen experiencia na política “que se enteran das cousas polo que lles di Isabel”, e logo, os consideras a unha altura superior e que para estar na lista hai que saber o que se quere e saber facelo. Paréceme que non hai ben por onde coller o comentario. Eles tamén teñen ganas, e saben o que queren, e como facelo, seguramente tamén.

    Non podo pasar por alto ese recordo nostálxico hacia os que non van na lista, é unha mágoa, porque hai xente moi válida entre os que están, pero cando se busca unha renovación, se busca e se fai. ¿Cómo conseguir os votos? Pois a clave a dixeste, explicando o programa aos veciños, cousa que, é triste que a algúns dos concelleiros actuais do PSOE, nin os veciños os coñezan, canto menos, os do propio PSOE.

    PD.: Oes, catro pelagatos si, con carné de afiliados. Chégannos as cartas avisando da convocatoria das asembleas, a ver se tamén da desidia dalgúns temos que pagar todos.

    Saudos

  11. Carter-a dijo

    28 de Febreiro del 2011 a las 18:40

    Para La maja desnuda.
    Non detecto cabreo algún nas respostas e maneiras dos membros do “novo PSOE”, coma ti dis. Penso que se trata dun diálogo dónde cada un expón os seus argumentos sen alteración alguna do tono. Todo o contrario que nos teus,nos que se aprecia unha certa agresividade. Cheirame un pouco a resquemor ou rabia por non estares entre eles.
    Queres dicir que para acadar o éxito non hai lugar para os novos no partido?
    Queres dicir que non hai que renovarse e manter sempre os mesmos dirixindo o cotarro?
    Quen peca entonces de conservador@?
    Ó mellor non é así, pero a ironía escrita é o que ten…pode ser malentendida e eu esté equivocad@ nas miñas apreciacións.
    En referencia o outro que comentas, penso que estas confundid@: A capacidade intelectual neste caso non se refire o que ti pensas. Ter estudos non significa ser intelixente nin avispado, nen ter capacidade para saber actuar ou facelo correcta e adecuadamente.
    A titulación non é directamente proporcional a valía coma persoa ou coma concelleiro, nen tampouco levar anos exercendo a política.
    Ós feitos me remito: Temos un goberno cheo local cheo de estudos: Médicos, mestres, arquitectos…Temos un goberno local con experiencia dabondo en política e politiqueo e ningún destes demostrou unha diferencia notable entre ter ou non ter diploma.

  12. Joseph dijo

    1 de Marzo del 2011 a las 23:56

    Barrabi: “Pois cada un no seu ámeto, quero supoñer, onde teñen que gobernar uns ou outros é en Baiona, e de Baiona deberíamos falar.” Paréceme correcta a túa afirmación, pero ainda que se lexislen en distintas instancias todas estas cuestións teñen repercusión directa na vida d@s baiones@s. Dende o Concello podemos facer políticas para mellorar a calidade de vida d@s veciñ@s, pero dende outros ámbitos estannos truncando ese benestar (pensións e xubilación). En canto ao PP só podo afirmar que é a outra cara do sistema. Se gobernara o PP en Madrid faría o mesmo que fixo O pSOE (porque máis alá do que fixo este último é difícil).

    Teño ben claro que a política é un todo. Esa vella cantarela de que nas municipais contan as persoas paréceme unha frase para xustificar o inxustificable. Se hai unhas persoas tan comprometidas coa xente de a pé, que fan nun partido que mira para outro lado e endurece as condicións aos traballadores?? Acaso os cidadáns de Baiona non se xubilan??

    Isto non é só un discurso centrado nos socialistas, senón tamén no PP. Todo o que dixen aquí se lle pode aplicar a eles taamén. En canto ao BNG, paréceme moito máis coherente a súa posición nestes temas, ainda que tamén tería as miñas reservas.

    En definitiva, se seguimos lexitimando co noso voto a determinadas formacións nas eleccións municipais, e tamén nas outras, conseguiremos que sigan profundizando no empeoramento das nosas condicións xerais de vida.

  13. barrabí dijo

    2 de Marzo del 2011 a las 12:09

    ¿Que queres que te diga? Segue a parecerme unha mensaxe simple. Eu te podo dicir, dende o personal que me parece fatal o da xubilación, e máis dende o personal, que se nos baixara aos funcionarios o salario, te sorprenderías como malvivimos moitos de nos. Pero teño que ter unha visión tamén máis ampla, teño que ver para qué se nos reduce o salario, para diminuilo déficit, para qué se aumenta a idade de xubilación, para poder manter unha seguridade social que de seguro, se nos reducisen as prestacións non estaríamos de acordo… logo hai que ser coherentes. A posición do PSOE non é agradable, houbo que facelo, os do Bloque téñeno moi fácil, criticándoo e os do PP máis todavía. Se a política é un todo, fago outra pregunta ¿Vai diminuir o PP cando acade o goberno central a idade de xubilación? Porque temos que mirar cara o futuro. Eu sei a resposta, ainda que agora critiquen a medida que eles saben que é impopular e lles ven de maravilla. Pero fago máis preguntas, xa que a política é indivisible. ¿Quen ten maioría no Parlamento Europeo? ¿Quen define a política monetaria da Unión Europea? Por qué non criticamos estas cuestións a nivel europeo ¿acaso os baioneses non somos europeos? ¿somos europeos de segunda? ¿ou somos europeos so cando recibimos subvencións? Ou arrimamos ou non arrimamos… creo que o prezo desta crise non o ten que pagar o PSOE de Baiona, creo que contribue máis a todo esto o que suxire o Plan Xeral que pretende aprobar Almuiña, baseado en ladrillo e máis ladrillo, de onde xurdiu gran parte do problema…

    Saudos

  14. preocupado dijo

    2 de Marzo del 2011 a las 13:06

    ¡¡¡ VAICHE BOA !!!

    6 de 12.000 habitantes

    Facebook Agrupación Socialista de Baiona.
    Logo dunha semana de enquisa, podemos avanzar algo dos primeiros resultados, pese a escasa participación parecen claras as maiores preocupacións dos baioneses, desemprego e urbanismo e vivenda.

    Resultados de la encuesta

    6 Participantes respondieron la encuesta. Aquí están sus respuestas :

    ¿Cales son as principais preocupacións dos veciños e veciñas de Baiona?

    14 respuestas

    Servizos Educativos 2 14 %

    Limpeza e Mantenemento do Concello 0 0 %

    Servizos Sociais 1 7 %

    Urbanismo e Vivenda 4 28 %

    Desemprego 5 35 %

    Medio Ambiente 0 0 %

    Transporte, tráfico e aparcamento 1 7 %

    Oferta Comercial 0 0 %

    Seguridade cidadán 0 0 %
    Outras 1 7 %

  15. barrabí dijo

    3 de Marzo del 2011 a las 14:05

    Home, fálase dun avance, nun par de meses esperemos que o número de votos aumente. En calquera caso tampouco se pode consirar a enquisa como vinculante en nada, orientativa en tal caso. Pero a mostra non é suficiente, para aquel que entenda algo de estatísticas. Tampouco son 12.000 habitantes, leva a limitación que deses 12.000 que dis teñen que ter conexión a internet para respostar, e que ademáis deben ter conta no facebook, o que a limita se cabe máis. Eu preocuparíame se presentásemos os resultados como unha virtude teologal. ¿votaste? Máis que nada por pulsar tamén o interese da xente en votar, que con non facer nada de nada parece que é menos preocupante. Eu non sei que tipo de datos manexará o PP, se é que manexa algún, ou se lle preocupa o que poidan pensar os baioneses dos asuntos.

    Así que, menos tremendismo, e menos preocuparse, ¡¡campeón!! E máis arrimar o ombro. Que a enquisa segue aberta!!

    Saudos

  16. preocupado dijo

    4 de Marzo del 2011 a las 10:39

    Comparto a túa opinión de que dentro de dous meses o PSOE vai ter algún voto mais, seis votos parécenme poucos.

    “..hai enquisas e enquisas, como Vd. comprenderá. Eu podo facer unha e que me saian os resultados máis ou menos como a min me gusten…”, é unha copea do teu comentario do dia 22 de febreiro. Pois ben xa está feita, é a túa enquisa e xa temos os teus resultados.

    Se seguimos limitando podemos quedarnos con: ós militantes do PSOE de Baiona que formen parte da candidatura e que teñan conta no facebook. ¡¡¡ Xustamente seis!!!, se imos a conta da agrupación socialista de Baiona podemos averiguar os nomes, apelidos e tamén ver o seu retrato.

    Eu non entendo de enquisas pero esta non parece moi rigurosa, Tamén parece pouco serio que se trate de extrapolar a opinión de seis persoas a toda a poboación de Baiona.

    En canto o PP, non sei que datos ten, pero o que si ten son os votos e a confianza da maioría da poboación de Baiona.

    Non me queda outra, ¡¡¡chavalin!!!, sego preocupado

  17. Gilbert Nightray dijo

    6 de Marzo del 2011 a las 20:08

    Levo lendo todos os escritos que se estan a facer con relacion a este tema, eu respeto a todos tamen espero que se respeten o meu, en baiona en case todos estes anos estivemos a ver de que vai de mal en peor pero baixo meu punto de vista pouco se esta a facer para o cidadan de baiona, so se fai para o turista: calles limpas e un largo etc

    Cando governou chicho pasando por Manolo Vilar que hasta hoxe ainda sigue cargando e impoñendo ao noso pobo, e que ao alcalde tamen lle vai ben polo visto, no sentido de como ente publico, vela polo ben estar das familias do pp e das familias do concejal de cultura… ¿que facia traballando este domingo as 10.30 da mañan na palma?

    O mais novo dos copas… ¿cando foi contratado? coma sempre poden haber cidadans necesitados pero os copas estan en todolos traballos que saen en Baiona e; ¿tantas familias que realmente necesitan que?

    Vo lo digo eu o alcalde dalle traballo por 3 meses e faille ver que un favor para cando cheguen as eleccions o voten … ¿canto tempo esta a facer asi para que o voten? este ano fagome a pregunta de que fai o bng para que isto non continue?; e o psoe?

    Eu non sei quen saira para governar Baiona pero quen sexa deberia prometer pero tamen cumplir creo que estamos fartos de sentir promesas pero sen resultados eu coma moitos cidadans xa non nos dan moita credibilidade tantas palabras…

    Bueno tamen sei que Rafael Loren xa non estara pero para min e moita xente que pensa coma min foi un gran politico e unha gran persoa so dende este escrito se o lee poidolle e desexolle que teña moita sorte e que espero volver a velo representando a este partido como o fixo.

    Grazas Rafa e con relacion a Isabel Dominguez espero que sexa tan xusta como Rafa e coma Arturo Pereira segun o meu punto de vista, e que empece por acabar coas preferencias como se esta a facer coa familia do concejal de cultura, xa que todos temos dereito as mesmas oportunidades e digo todos os cidadans de baiona.

    Eu quero darlle un voto de confianza a Isabel dominguez xa que Arturo xa a ten… E por ultimo fagome preguntas coma…

    que esta a facer o señor Vilar por Baiona?

    que se esta a facer polos ciudadanos en dificultades ?

    e o señor alcalde de que se preocupa;aparte de defender aos seus e de pensar no benestar dos do pp?

    por iso que gañe quen gañe estas eleccions espero que traballe para e por baiona

    que fai a concejal de servizos sociais e emprego que tanto necesitan os que estan pasando tan mal?

    que fai o tecnico de emprego aparte de facer o traballo de outros depatamentos, e darlle o traballo a quen lle peta; entre tantas outras cousas?

  18. Joseph dijo

    7 de Marzo del 2011 a las 23:33

    Barrabi!! Non imos chegar a unha conclusión sobre a relación PSOE estatal – PSOE de Baiona. Manteño que non se lle pode dar ao voto polo que argumentei anteriormente.

    O PP está o que está.No tema das pensións e a xubilación faría igual que o PSOE agora mesmo. Igualiño.

    O BNG non critica por criticar o temas das pensións e a xubilación. Dicir iso si que é a crítica fácil. Recoméndoche que leas os artigos de VIcenç Navarro (http://www.vnavarro.org/) sobre este tema. Creo que son bastante acertados e, sobre todo, científicos. Desmonta os argumentos con argumentos e non con crítica facilona.

  19. pedradoacordo dijo

    8 de Marzo del 2011 a las 10:55

    Joseph, creo que as políticas sociais do PSOE non son precisamente criticables pola sua falla de profundidade ou de sensibilidade. Compre recordar a acelerada revalorización das pensions no primeiro cuatrienio de Zapatero (moi por riba da inflación de aqueles anos) ou o extenso abano de iniciativas sociais e de igualdade ao longo de estos anos. Si algo se lle pode criticar ao PSOE neste aspecto, non é por defecto senon por exceso.

    Qué duda cabe que o PP (e o BNG, e UPyD e o sursum corda)está interesado en vender as medidas de austeridade como recorte de dereitos e exemplo de políticas antisociais; pero ese paréceme un discurso sin demasiado recorrido polo burdo do rédito político que se pretende e pola propia falla de credibilidade histórica neste eido de quen o emite.

    O outro día Rajoy falaba das orixes cristiano demócratas das políticas sociais (anos 50 e 60 do pasado século en Alemaña). Esquecía o incipiente movemento obreiro alemán do século XIX (Bismarck)e os avances definitivos en materia social alcanzados polos socialdemócratas no primeiro tercio do século XX e mesmo na postguerra presionando, agora sí, ós gobernos de Adenauer. En todo caso, non se trata de gañar ningunha carreira de lexitimidade social, pero sí de non terxiverasr a historia.

    E xa para rematar: é claro que o PP xoga a este discurso da confusión e de descrédito socialista. O PSOE, tamén en Baiona, ben faría en defender as suas políticas troncais e adiantar o seu proxecto de futuro, a risco de que quen o execute volte a ser o PP salvo, precisamente, en políticas sociais como a da vivenda protexida.

  20. Joseph dijo

    9 de Marzo del 2011 a las 0:11

    Pedradoacordo:

    Unha cousa non quita a outra. Non che vou discutir que o PSOE teña unha política social máis “incisiva” que o PP. O exemplo está nos distintos dereitos alcanzados polo colectivo homosexual estes anos (aínda así poderiamos discutir sobre as disensións internas dos socialistas a este respecto). Agora ben, reafírmome na idea de que as últimas medidas son antisociais e son un torpedo na liña de flotación da socialdemocracia clásica.

    En primeiro lugar quero reafirmarme na idea de que estar en contra destas medidas non é ser de dereitas. Tal argumento é pueril. Se estou en contra delas é porque non podo admitir que os únicos que pagan a crise é a maior parte da sociedade, especialmente os traballadores. Aqueles que non teñen nada que ver cos grandes capitais financieiros. Explícome: de que serviu a reforma laboral do pasado setembro?? De nada. O mundo do traballo segue igual que antes ou peor. Se antes me pagaban 45 días por ano traballado, a partir de agora son 33 nos novos contratos, en caso de improcedencia no despido. Se o despido é procedente (por causas obxetivas) páganme igual que antes, 20 días. “La coña marinera” é que 12 págaos a empresa e 8 o FOGASA (cando a súa función non é esa), é dicir, todos. Subvencionamos o despido.

    Claro que é necesaria unha reforma laboral. Tiña que perseguirse o fraude na contratación e nas horas extras. Vas ver como non eran necesarias “medidas de austeridade” para manter as pensións e non subir a xubilación.

    Non sei que ministro foi. Creo que foi o propio Rubalcaba quen dixo que a reforma das pensións e a xubilación eran medidas socialdemócratas. Nese momento tivo que removerse da súa tumba o movemento obreiro que ti citas. Por todos é sabido que detrás dos cambios nas esixencias para obter a pensión mínima ou máxima está o suculento negocio dos plans de pensións privados. Cantos cartos non recauda a Administración por culpa das horas extras non declaradas?? É máis, cantos postos de traballo se crearían se só se fixeran o máximo legal?? Aí si que habería unha boa financiación para a Seguridade Social. Independentemente desta cuestión, remíto novamente a persoas bastante máis cualificadas ca min: http://www.vnavarro.org/. A través de distintos artigos, o profesor V. Navarro vai desmontando os argumentos desta reforma (corríxeme se me engano, pero creo que non é sospeitoso de ser do PP ou UPyD). O interesante reside en que o fai con argumentos científicos (aínda que pareza imposible si que é plausible falar destes temas dende a ciencia, xa que a economía é un corpus científico-social que desgrazadamente non está ao servizo da maioría). Por exemplo, descarta a relación directa entre poboación activa e número de pensionistas. E dando xa “una vuelta de tuerca” e aceptando que o goberno tivera razón, por que non se complementan os cartos da Seguridade Social con partidas doutras administracións?? Cuestión que si que se fai noutros países da nosa contorna.

    No teu comentario metes no mesmo saco a PP, UPyD e BNG. Penso que non é nada acertado. O PP xoga ao desgaste total e absoluto. Neste tema non dixeron máis que cartro consignas. UPyD está o que está. E o BNG creo que, xunto con ERC e IU, está utilizando argumentos e non caendo en catro consignas repetidas ata a saciedade. Remítome os feitos: só hai que escoitar ou ler as manifestacións dos seus representantes. Por certo, tanto unha parte importante do nacionalismo galego como de IU teñen moito que ver no movemento obreiro. Creo que as túas palabras (“ese paréceme un discurso sin demasiado recorrido polo burdo do rédito político que se pretende e pola propia falla de credibilidade histórica neste eido de quen o emite”) se volven contra ti mesmo.

    Douche a razón nunha cousa. Foi o movemento obreiro (tanto na versión socialdemócrata clásica como na comunista) quen conseguiu os avances e seguridade social da que hoxe desfrutamos. Ë triste por parte do PP dicir que foron os demócratas-cristiáns quen conseguiron estes avances. Agora ben, tamén é moi triste escudarse nesa tradición obreira para lexitimar o que hoxe por hoxe fai o PSOE.

  21. barrabí dijo

    10 de Marzo del 2011 a las 14:26

    Eu so quería engadir, que quizais non me expresei como debera ao dicir que o BNG critica por criticar, quería dicir que a súa postura é a máis doada por considerarse un partido político de esquerdas e nacionalista, parécenme lóxicas as súas críticas, ainda que tamén me parecen pouco responsables no senso de deixar so ao PSOE, cando estas medidas son tan impopulares como necesarias.

    Saudos

  22. Gilbert Nightray dijo

    11 de Marzo del 2011 a las 14:10

  23. baionesa dijo

    31 de Marzo del 2011 a las 8:51

    ex votante del psoe antes voto a almuiña que a isabel por lo menos se que el es del pp

  24. Gilbert Nightray dijo

    1 de Abril del 2011 a las 11:39

    pois baionesa, vota filla vota que pareceme ben pero espero que el non lle consinta, como llo consentiu alguns dos del, que non te chame algun dia acosadora e difamadora como lle chaou e escribiu a alguen que eu coñezo. e non podo decir o nome

  25. Gilbert Nightray dijo

    1 de Abril del 2011 a las 11:43

    pois baionesa, vota filla vota que pareceme ben pero espero que el non lle consinta, como llo consentiu alguns dos del, que non te chame algun dia acosadora e difamadora como lle chamou e escribiu a alguen que eu coñezo. e non podo decir o nome

  26. .FATIMA CABRAL dijo

    1 de Abril del 2011 a las 22:15

    HAY BAIONESA .A ENVIDIA DA FORA VIÑAAAAAAAAAAAAAAAAAAAAA HAY QUE RENOBAR E CALAR EU SENPRE SEREI DO PSOE E NADIE ME VAY FADER CAMBIAR

  27. barrabí dijo

    4 de Abril del 2011 a las 13:14

    Unha mágoa que Baiona Consciente non faga algúns posts, ca de cousas que están a sair todos os días en Baiona.

    Baionesa, vota por quén queiras, neso consiste a democracia, en que cada un vai as urnas e libremente decide o seu voto, o que non entendo é que sendo ex votante do PSOE, queiras votar a Almuiña porque sabes que é do PP ¿es do PP entón? E non respostes o que sempre din os do PP “eu non son do PP, nin simpatizo” que non deixa de ser outra contradicción. Por último, e respostando con outra pregunta ¿estás contenta co goberno Almuiña?

    Saudos

  28. pedradoacordo dijo

    30 de Abril del 2011 a las 8:38

    No recente traballo -tan tópico e preguizoso- de Alejandro Martínez -ése buscador das desgracias alleas, certas ou non, pouco lle importa- na Voz de estos días pasados encol dos principais candidatos ás eleccions municipais en Baiona, destaco o distinto horizonte temporal-político que se marcan tanto Almuíña como Isabel Domínguez. Así, mentras o actual alcalde fala dun compromiso de catro anos, a candidata socialista fala de oito.

    Non é a primeira vez que ésta parece saltar por riba dos mandatos -catro anos- que a Lei Electoral establece para os cargos electos habituais, mesmo os dos concellos. Do mesmo xeito, parece dar por sentado que é suficiente a súa vontade de permanencia para superar calquer resultado electoral obtido, mesmo os mais adversos ou, nun último caso, para non ter en conta o punto de vista que podan ter os seus compañeiros de partido ao respecto do seu desempeño na actual carreira electoral.

    Como de todos é sabido, as urnas teñen a costume de poñer a cada un no seu sitio, non vale a pena tomarse demasiado en serio este tipo de promesas. O 22 cóntanse os votos e a partires de ahí uns gañan e outros perden. Hai quenes xustificarán calquer (mal) resultado como unha victoria, agarrándose ao pao maior aínda que a nave esté nas pedras; hai, por outra banda, quenes de verdade gañando, saben que tampouco é suficiente. Dous xeitos de autoesixencia, dous feitos de traballar -tamén en política-.

  29. freemail9.net - freemail9.net dijo

    9 de Febreiro del 2013 a las 8:51

    freemail9.net – freemail9.net…

    Baiona Consciente » Que ben, hoxe votamos con Isabel…

  30. visit the next document dijo

    3 de Abril del 2013 a las 5:53

    visit the next document…

    Baiona Consciente » Que ben, hoxe votamos con Isabel…

Comentarios RSS