Rotondas polémicas

nova rotonda sabaris

Agora que desapareceu o problema para realizar comentarios ás anotacións e que cada día se palpa máis o ambiente electoral de cara ás municipais, cómpre repasar unha polémica máis ou menos actual que non movilizou excesivamente á cidadanía.

Falamos da reordenación do acceso á autoestrada en Sabarís. O BNG convocou movilizacións e tentou organizar unha oposición activa a esta reordenación, si ben non acodou todo o éxito que sería desexable á hora de conquerir a paralización do proxecto. Continua leyendo »

UPyD, a hipocresia feita partido político

Hoxe o partido da vedette vasca que vive en Madrid deu o pistoletazo á precampaña ás municipais baionesas. O ex-concelleiro popular Antonio Amorín é a figura que pretende introducir un aire nove á política municipal no noso concello.

Pero antes de expoñer o seu programa debería aclararnos si avala as declaracións da súa representante no Parlamento respecto ao seu concepto de galego. Tamén nos debería aclarar cómo tendo unha orixe tan revolucionaria e independentista se pode acabar nun partido que nega a existencia dunha nación a expresarse como tal si non baixo o poder do Estado dominante.

Os amores do Sr. Amorín na política nunca tiveron un perfil determinado, é como aquel amigo que tenga o roce na discoteca con calqueira rapariga. O importante é acadar o éxito, non importa a estética nin os acompañantes.

O peor deste novo panorama é que se trasladarán comportamentos, manifestacións e proclamas que en nada nos afecta na vida municipal e que só permitirán perpetuar a unha enamorada da moqueta nun sillón esquecido e sin finalidade práctica máis aló da merca de certo espazo na sociedade madrileña. Lamentablemente, hai un certo número de persoas, afortunadamente moi marxinal, que pensa que detrás de UPyD existe a esperanza dun novo xeito de facer política e de acadar uns obxectivos que semellan imposibles nos partidos tradicionais. É algo similar aos Cidadáns de Catalunya e si en algo coinciden as súas traxectorias é que sairon dun partido maioritario por perder unha loita interna de poder e que ao pouco de fundar o seu propio partido xa revivían as mesmas escisións pero desta vez agarrando o sillón por riba doutros.

En fin, é increible como cada vez existen unha maior porcentaxe de papeletas ás que ún non se prantexa nin a posibilidade de votarlles. Nestes intres, hai moitos baioneses que teñen esa porcentaxe no cen por cen. E nadie semella que lle queira pór fin. O noso voto será para os Conscientes Baioneses, isto é, un voto en branco e agardando porque triunfe a iniciativa de que éstes se contemplen como válidos á hora de designar os representantes municipais. A máis votos en branco, menos concelleiros nons plenos baioneses e menos cartos tirados para os que non fan nada por solucionar os nosos problemas.

Comentarios: http://baionaconsciente.foroactivo.com/partidos-politicos-f2/upyd-a-hipocresia-feita-partido-politico-t12.htm#20

Problemas técnicos

problemas técnicos

Extrañados pola falta de comentarios, comprobamos o acceso aos mesmos e verificamos que existe un problema técnico no blog. Co fin de non coartar a participación dos Conscientes Baioneses, trasladaremos a opción de comentarios ao foro, inserindo un enlace en cada anotación.

Disculpade as molestias, cousas dos trasnos da rede.

Paté baionés

Non se cansan de repetirnos que a crise é tempo de oportunidades, de que as ideas innovadoras son as que nos permitirán sair deste bache e de que a nova sociedade que construiremos entre todos será mellor e máis sólida do que era anteriormente. É certo que estamos tardando moito en inventarnos unha nova burbulla que cree euros onde non os hai e que iso vai facer retrasar a recuperación económica, pero sempre nos alegra saber que esa xente con ideas innovadoras non están tan lonxe e que igual deberiamos adicar máis tempo aos que nos rodean que a ver as solucións que se prantexan a miles de kilómetros.

Así, ver que o proxecto de explotación dos percebes das nosas costas xurdiu no noso concello, conxuntamente co da Guarda e que non hai que ir ás Rías Altas para recibir leccións de cómo aproveitar os nosos recursos mariños sempre é reconfortante e resulta un toque de atención para aqueles que pensan que Baiona debe esquecerse da súa tradición mariñeira e debe volcarse no sector servizos e na marbellización do seu territorio.

Pois non, se mire como se mire, a vila baionesa é mariñeira e a moita honra. Noraboa ás percebeiras e percebeiros que siguen exprimíndose os miolos para que o mar siga sendo rentable en Baiona. Desexando estamos poder probar ese paté de percebe, ainda que moito nos tememos que o prezo non vai ser precisamente innovador.

Eis unha iniciativa que tiña merecido unha subvención do Plan E, non a reforma de beirarrúas que levaban pouco tempo desde a súa remodelación. O noso cancro é que a calidade política está moitos puntos por baixo da calidade da nosa sociedade. Vai sendo hora de prantexar si a definición de político e as súas funcións deben ser revisadas. Debe deixarse en mans da sociedade a orientación das áreas políticas das administracións públicas, limitándose os políticos a executar os medios para acadar os fins solicitados. Temos a suficiente madurez para afrontar este cambio de perspectiva ou realmente queremos seguir tendo a unha panda de incompetentes que nos eviten ter que pensar e nos fagan as cousas a cambio dun puñado de billetes baixo a mesa?

Enlace ao foro: http://baionaconsciente.foroactivo.com/sociedade-f5/pate-baiones-t10.htm#18

En todas partes cocen fabas

urbanismo

E finalmente se confirma a nova e Baiona acaba no grupo de concellos cunha forte presión inmobiliaria na que os seus políticos se ven salpicados por sospeitosas decisións

A verdade é que si comparamos este caso co acaecido na limítrofe Gondomar non podemos deixar de sinalar que si ben no concello fluvial a decisión política contradecía os informes técnicos, no caso do noso concello a cousa é ben distinta.

O asesor xurídico para asuntos urbanísticos e a secretaria municipal avalaron a decisión, polo que a prevaricación dos membros da Xunta de Goberno non é facilmente demostrable. Pero, cál foi o informe técnico do arquitecto municipal e cáles foron os argumentos do solicitante da licencia?

Primeiro foron as palmeiras nos paseos, logo as grandes actuacións veraniegas e agora os escándalos urbanísticos. Só nos falta a actuación dunha tonadilleira liándose con Manolo Vilar para que sexamos a Marbella do Norte. Bromas aparte, xa tiñamos comentado anteriormente o paradóxico de acaben nos xuzgados os nosos políticos por non conceder unha licencia cando o habitual é á inversa. Sobran os casos que nos veñen á memoria. A urbanización dos Tendais, a de Portoman ou as maclas de Vista Real son pequenos exemplos de tramitacións con máis dun pero. E resulta que prospera unha denuncia pola tramitación dunha licencia directa nunha parcela en solo consolidado que non ten que acometer reparcelacións, crear xuntas de compensacións ou urbanizar e entregar zonas de uso público. Incluso si analizamos o todavía non aprobado Plan Xeral, a edificabilidade da actuación era considerablemente superior a calqueira outra do noso concello. Algo cheira a podre en Dinamarca.

Enlace ao foro: http://baionaconsciente.foroactivo.com/urbanismo-f8/en-todas-partes-cocen-fabas-t11.htm#19

Máis do mesmo no mesmo

enchufe

Hoxe podemos ler no Faro de Vigo as dúbidas dun sindicato policial sobre as probas de selección que se están a celebrar en Baiona para cubrir dúas prazas de policía municipal. A nadie lle extraña xa que unha proba de selección non sexa obxectiva, todo o contrario, a novidade sería que un tribunal con capacidade de contratación resolvese sin un ápice de contraversia e sin colocar aos máis achegados. Continua leyendo »

Prequecemento municipal

psoe

A enquisa que publicou o Faro de Vigo, realizada polo PSOE baionés, este pasado fin de semana tira tantas conclusións que debimos reflexionar con propios e extraños sobre as mesmas. Continua leyendo »